Skoulz: "MYu jamoani Brunu atrofida qurishi kerak"

"Manchester Yunayted" afsonasi Pol Skoulz klub rahbariyatini Brunu Fernandeshni saqlab qolishga va uni jamoaning markaziy figurasiga aylantirishga chaqirdi.

— Brunu qolishi kerak, chunki u jamoaning eng yaxshi futbolchisi. MYuda ro‘y bergan deyarli har qanday ijobiy holatda uning hissasi bor.

Albatta, Saudiya ligasi kabi katta talab va ulkan pul taklif qilinayotgan vaziyatda hamma narsa o‘z qo‘lingizda bo‘lmasligi mumkin. Lekin MYu Brununi saqlab qolishi shart va jamoa aynan u atrofida qurilishi lozim — bu yangi futbolchilarni xarid qilish imkoniyati bo‘lsa ham, bo‘lmasa ham muhim.

Ammo so‘nggi yillarda amalga oshirilgan transferlarni hisobga olsak, Amorim uchun keraksiz futbolchilardan qutulish juda qiyin bo‘ladi.

Agar jamoa Chempionlar ligasiga yo‘llanma olsa, yangi futbolchilarni jalb qilish oson kechadi. Biroq, transferlar faqat kelish bilan cheklanmaydi — ketayotganlar bo‘yicha ham ish olib borish kerak, va bu uning ishidagi eng murakkab qismi bo‘ladi, — deb yozdi Skoulz TNT Sports nashriga.