Simeone: "Real" bizni har doim EChLdan chiqazib yuborgan bo‘lsa ham juda qiynalgan"

"Atletiko Madrid" bosh murabbiyi Diego Simeone "Real"ga qarshi alamli mag‘lubiyatga so‘ng matbuot anjumanida ishtirok etib, bo‘lib o‘tgan uchrashuv haqida o‘z fikrlari bilan o‘rtoqlashdi. 
 
“Men omad haqida gapirmagan bo‘lardim. Men jamoamiz bilan qanchalik faxrlanishim va ular har doim kurashayotgani haqida gapirganim ma’qul. Bu klubimiz boshdan kechirayotgan butun jarayon tarixida qoladi. 
 
Butun o‘yin davomida o‘yinni juda yaxshi nazorat qildik, hisobni oshirish uchun imkoniyatlarimiz bo‘ldi, ammo kombinatsiyalar oxirida aniq harakatlar etishmadi. Raqib to‘pga egalik qildi, ammo golli vaziyatlar yarata olmadi. Shu bilan birga, penaltini amalga oshira olmadi va menimcha, biz ajoyib ish qildik. 


 
Mashg‘ulotlardagi penaltilar o‘yinlardagi penaltilar bilan bir xil emas. Men futbolchilarning zarbalarini ko‘rmadim. Xulian Alvares zarba berganda to‘p bilan aloqa qilganga o‘xshaydi [ikki marta] va agar hakam shunday desa, shunday bo‘ladi. 
 
Men jamoamiz bilan faxrlanaman. O‘ylaymanki, muxlislarimizga o‘yin yoqdi. "Real" bizni Chempionlar ligasida doim yoki deyarli doim mag‘lub etgan, ammo bu ular uchun juda qiyin, juda qiyin" - deya ta’rif berib o‘tdi argentinalik mutaxassis.