Shon Striklend: "U o‘rta vaznga qaytishga qodir emas"

O‘rta vazn toifasida (84 kg) sobiq UFC chempioni, amerikalik Shon Striklend hozirgi UFC chempioni, yarim og‘ir vazn toifasida jang qiluvchi (93 kg) braziliyalik Aleks Pereyrani yana o‘rta divizionga tushishga qodir emas, deb hisoblaydi.

“Aleks, jin ursin seni. 84 kilogrammga qaytishni uddalay olmaysan. Sobiq yarim o‘rta vazn toifasidagi sportchi sifatida men senga shuni ayta olaman: Vazningni oshirganingdan so‘ng, yana o‘sha eski davrga qaytish fikri aqlga sig‘maydigandek tuyuladi. Menimcha, Aleks 93 kilogrammda Drikus dyu Plessi bilan jang qilgani ma’qulroq bo‘lardi. So‘nggi jangidan keyin Aleksni kiyim almashtirish xonasida ko‘rganimni yaxshi eslayman. O‘shanda u juda charchagan ko‘rinardi. Xullas, men Aleksning 84 kilogrammga qanday qaytishini tasavvur ham qila olmayman", - deb ta’kidlab o‘tdi Shon Striklend.