Ronaldu tezlikni oshirdi, Messi esa...

Ikki yarim yillik tanaffusdan so‘ng futbol muxlislari yana Lionel Messi va Krishtianu  Ronaldu duelining guvohi bo‘ldi. Bu gal ustunlik portugaliyalik to‘purar tomonida bo‘ldi.

Chempionlar ligasi guruh bahslarining so‘nggi turini Kataloniyada o‘tkazgan “Yuventus” mezbonlarni 3:0 hisobida qaqshatqich mag‘lubiyatga uchratdi. O‘yinda ikkita gol urgan Krishtianu Ronaldu ushbu musobaqada o‘ziga tegishli bo‘lgan to‘purarlik rekordini yana yangiladi. Messi ettita aniq zarba bergan bo‘lsa-da, darvozani ishg‘ol qilolmadi. 

Ronaldu Chempionlar ligasidagi jami gollari sonini 134 taga etkazib oldi. Messi esa 118 ta gol bilan ikkinchi pog‘onada bormoqda.

Chempionlar Ligasi tarixidagi eng yaxshi to‘purarlar:

1. Krishtianu Ronaldu – 134
2. Lionel Messi – 118
3. Robert Levandovski – 71
4. Raul –71
5. Karim Benzema – 67
6. Rud van Nistelroy – 56
7. Terri Anri – 50
8. Andrey Shevchenko – 48
9. Zlatan Ibrohimovich –48
10. Tomas Myuller – 47.