Гвардиола: "Абдуқодир жуда-жуда яхши ўйин кўрсатмоқда"

Xосеп Гвардиола Абдуқодир Ҳусановнинг “Манчестер Сити”га яхши мослашгани ва ҳозирда ишончли ўйин кўрсатаётганини таъкидлади.

- Ҳусанов марказда ҳам, ҳимоя чизиғининг деярли барча позицияларида ўйнай олади, фақат чап қанотдан ташқари. Унинг кўриш қобилияти ажойиб, ишончли, барқарор, жисмоний жиҳатдан кучли — худди Кайл Уокер ўзининг энг яхши даврида бўлгани каби. Диққат-эътибори зўр, ўрганишга чанқоқ. Абдуқодир жуда-жуда яхши ўйин кўрсатмоқда.

- У жуда ёш. Ўзбекистондан Францияга, кейин бу ерга келиб, биз учун қийин мавсумда мослаша олди. Бизнинг ўйин тизимимизни тез ўзлаштирди ва у яна кўпроқ нарсани ўрганиши шубҳасиз. Ҳа, сиз тушунасизки, у келгуси йиллар давомида клуб учун энг яхши трансфер бўлади.