Ronaldu joriy mavsum APLdagi debyut golini qachon kiritishi mumkinligi taxmin qilindi

Angliya terma jamoasi va “Manchester Yunayted”ning sobiq hujumchisi Pol Skoulz “qizil iblislar” hujumchisi Krishtianu Ronaldu “Everton” darvozasiga gol urishiga ishonmoqda.

“Ronalduga Evropa ligasi o‘yinida omad kulib boqmadi, ammo bu yomon seriya bir kun kelib tugashi kerak. Agar Krishtianuda "Everton"ga qarshi o‘yinda imkoniyat bo‘lsa, u albatta bundan foydalanadi", - deya Skoulzning so‘zlarini keltirdi "Eurosport" nashri.

O‘yin bugun, 9 oktyabr kuni Liverpulda bo‘lib o‘tadi. Bahs Toshkent vaqti bilan 23:00 da boshlanadi. Ma’lumot o‘rnida, Premer liganing joriy mavsumida Ronaldu 6 ta o‘yin o‘tkazib, gol ura olmadi.