"Qayrat" — "Real Madrid" o‘yini uchun biletlar qachon sotuvga chiqishi ma’lum bo‘ldi.

"Qayrat" klubi Chempionlar ligasi guruh bosqichidagi uy o‘yinlari uchun biletlar sotuvi tartibi va muddatlarini e’lon qildi.

"Qayrat" – "Real Madrid" uchrashuvi uchun biletlar 23 sentyabr kuni soat 17:00 dan sotuvga chiqadi. Bilet narxi 30 000 tengedan (690 000 so‘m) boshlanadi. Har bir muxlis ko‘pi bilan 2 tadan chipta sotib olishi mumkin va xarid vaqtida pasport ma’lumotlari tekshiriladi. Biletlar "Freedom Ticketon" rasmiy sayti orqali sotiladi.

Ma’lumot uchun, "Qayrat" o‘z tarixi davomida ilk bor Evropa qit’asining eng nufuzli musobaqasida qatnashmoqda.