Pikening tanqididan so‘ng, Bartomeu Shakiraning xonadoniga bormoqchi

Kuni kecha, Jerar Pike klub prezidenti Jozep Bartomeu o‘zining imijini himoya qiladigan kompaniya orqali “Barselona” yulduzlarini ijtimoiy tarmoqlarda obro‘sizlantirganini va buning uchun katta miqdorda xarajat qilganini aytgan edi.

Bartomeu bunga javob berdi.

- Biz Pikeni yaxshi ko‘ramiz. Mening o‘yinchilarni tanqid qilish uchun pul sarflaganim yolg‘on. Buni audit tekshiruvi ham tasdiqlaydi. Jerar maoshini kamaytirilishiga rozi bo‘lganidan mamnunman. Futbolchilar bilan ommaviy tarzda bahslashmayman. Bu oramizda qolishi kerak. Gapi bo‘lsa eshigim ochiq yoki o‘zim ham uyiga borishim mumkin. Futbolchilar bunday qilishimni biladi, - deydi Bartomeu.