Perishich: "So‘nggi yillar ChLda xorvatlar doim g‘olib bo‘lishmoqda"

"Bavariya" klubining yangi yarim ximoyachisi Ivan Perishich Chempionlar Ligasida g‘olib bo‘lish uchun jamoalarga xorvatiyalik futbolchilar kerakligini ta’kidlab o‘tdi.

"So‘nggi bir necha yil davomida Chempionlar ligasida xorvatlar doimiy ravishda g‘alaba qozonishmoqda. "Bavariya" oxirgi marta ushbu sovrinni qo‘lga kiritganida, tarkibda xorvatiyalik futbolchi bo‘lgan. Men ham "Bavariya" bilan xuddi shunday natijaga erishishni istayman," - dedi Perishich.

Ma’lumot uchun, "Bavariya" so‘nggi bor 2013 yilda ChL g‘olibi bo‘lgan. Jamoa tarkibida xorvatiyalik Mario Manjukich bo‘lgan.

Eslatib o‘tamiz, myunxenliklar Perishichni sotib olish huquqi bilan mavsum oxirigacha ijaraga olishdi.