Perishich: Mourino menga qo‘ng‘iroq qilgandi. Unga rad javobini berish qiyin

"Bavariya" yarim himoyachisi Ivan Perishich "Manchester Yunayted"ga o‘tishga yaqin kelganligini aytib o‘tdi.

"MYuga o‘tishim mumkin edimi? Men bunga juda ham yaqin turgandim.

Mening orzuyim barcha top ligalarda o‘ynash edi. Bu amalga oshmadi. Bu men uchun juda qiyin onlar bo‘lgan. Oradan ikki yil o‘tib nima uchun MYuga o‘tmay qolganimni bildim. Ammo tafsilotlar haqida gapirishni istamayman.

Menga Mourino qo‘ng‘iroq qilganligi juda ajoyib bo‘lgandi. Unga rad javobini berish qiyin. Men uni qo‘l ostida shug‘ullanishni va MYuga o‘tishni juda xohlagan edim.

Endi esa men "Bavariya"da qolishni istayman," - dedi Perishich.