Pelening rekordiga qadar 4 tagina "qadam" qoldi
FIFA kunlari tufayli yuzaga kelgan tanaffusdan unumli foydalanayotgan terma jamoalar o‘zaro o‘rtoqlik o‘yinlarida maydonga tushmoqda.
Bugun Braziliya va Janubiy Koreya nazorat uchrashuvida bahs olib bordi. Unda "Lotin Amerikasi" vakillari 5:1 hisobida zafar quchdi.
Dubl qayd etgan Neymar "pentakampeonlar" libosidagi gollari sonini 73 taga etkazib oldi. Bu natijaga u 118 uchrashuvda erishgan.
Neymar futbol qiroli Pelening rekordini takrorlashi uchun atigi 4 tagina gol qoldi. Sobiq yulduz 92 bahsda o‘z hisobiga 77 golni yozdirib qo‘ygan.
Fikrlar