O‘zbekiston terma jamoasi Hindistonga qarshi uchrashuvda oq libosda harakat qiladi

O‘zbekiston milliy terma jamoasi 18-yanvar kuni Osiyo kubogining 2-turida Hindistonga qarshi bahs olib boradi. Mazkur uchrashuvda futbolchilarimiz to‘liq oq libosda, darvozabonimiz esa qora libosda harakatlanadi.

Shuningdek, uchrashuvni boshqarib boradigan hakamlar guruhi ham ma’lum. Bosh hakam xitoylik Fu Ming, unga qanotlarda hamyurtlari Jou Fey va Jang Cheng yordam beradi. Zaxira hakami sifatida esa iordaniyalik Adham Mahadmeh ishlaydi.

Uchrashuv ertaga soat 19:30 da “Ahmad bin Ali” stadionida start oladi.