O‘zbekiston joylashgan "E" guruhidagi holat bilan tanishing!

Jahon chempionati saralashining 4-turida O‘zbekiston Gonkongni o‘z maydonida qabul qilib, yirik 3:0 hisobida zafar quchdi. 

Dastlab, Shomurodov hisobni ochgan bo‘lsa, Erkinov zaxiradan o‘yinga qo‘shilib, farqni ikkitaga oshirib qo‘ydi. 70-daqiqada esa O‘runov bahsga nuqtani qo‘ydi. 

Guruhimizdagi narigi o‘yinda Eron Turkmaniston mehmoni bo‘lib, 0:1 hisobida zafar quchdi. O‘yindagi yagona golni birinchi taym so‘nggida Gayedi urishga muvaffaq bo‘ldi. 

Ushbu g‘alabadan keyin eronliklar birinchi o‘ringa qaytishdi. Shu bilan birga, keyingi bosqich va Osiyo kubogiga yo‘l olishdi.