"Neftchi" etakchi futbolchisi bilan yangi shartnoma imzoladi

Ilhom Mo‘minjonov boshchiligidagi "Neftchi" PFK murabbiylar shtabi jamoa tarkibini shakllantirish borasida selektsiya jarayonida izchillik bilan faoliyat yuritmoqda.

O‘tgan mavsumda o‘zining yorqin o‘yinlari bilan Superliga yo‘llanmasini qo‘lga kiritilishida katta hissa qo‘shgan tajribali yarim himoyachi Sherzod Karimov bilan shartnoma muddati uzaytirildi.

Ma’lumot uchun, o‘tgan mavsum Karimov Pro-Ligada 18ta o‘yinda maydonga tushib, ikkita gol urishga erishgan.

"Neftchi" matbuot xizmati