Messi yana bir uchrashuvni o‘tkazib yuboradi, Ramos esa...
PSJ yulduzi Lionel Messi jarohat olganligi haqida xabar bergan edik.
34 yoshli hujumchi Frantsiya Chempionati 13-turidan o‘rin olgan "Bordo"ga qarshi uchrashuvni o‘tkazib yuboradi. Sababi, u tizza va son sohasidagi og‘riqlardan to‘liq qutilmagan va jarohatini davolashda davom etmoqda.
Biroq yaxshi yangilik ham yo‘q emas. Mavsum avvalida Parij klubi safini to‘ldirib, hali maydonga tusha olmagan Serxio Ramos umumiy guruh mashg‘ulotlariga qo‘shilishi kutilmoqda. Marko Verratti, Leandro Paredes hamda Presnel Kimpembe jarohatni tiklashda davom etmoqda.
Ma’lumot uchun, "Bordo" - PSJ uchrashuvi 7 noyabr kuni bo‘lib o‘tishi rejalashtirilgan.
Fikrlar