Masharipov klub ixtiyoriga qaytdi. Hamrobekov yakka tartibda shug‘ullandi

Jaloliddin Masharipov va Odilbek Hamrobekov terma jamoa mashg‘ulotlarida qatnashmadi.

Osiyo Chempionlar ligasida qatnashayotgan “Al-Nassr” klubi 16 oktyabr kuni chorak final uchrashuvini o‘tkazadi. Jaloliddin Masharipov ushbu bahsga tayyorgarlik ko‘rish uchun klubining iltimosiga ko‘ra, terma jamoa ixtiyorini tark etdi.

Jamoamizning yana bir a’zosi Odilbek Hamrobekov eski jarohati bezovta qilayotganligi sabab umumiy guruhdan ajratilgan holda yakka tartibda mashg‘ulot olib bormoqda.