"Liverpul" himoyachisini Italiyada kutishmoqda

"Milan" klubi mavsumlar oralig‘ida o‘zining himoya chizig‘ini kuchaytirmoqchi.

Tuttosport nashri tarqatgan xabarga ko‘ra, “rossonerilar” bu borada “Liverpul” himoyachisi Deyan Lovrenni ko‘z ostiga olib qo‘yishgan. 30 yoshli xorvatiyalik futbolchining transferi esa “Milan”ga taxminan 23 million evroga tushishi aytilmoqda.

“Milan” bu borada "Latsio", "Arsenal" va "Tottenxem" klublari bilan raqobat olib borishiga to‘g‘ri keladi.

Lovren joriy mavsum “Liverpul” safida jami 14 ta o‘yinda maydonga tushdi va 1 ta gol hamda 1 ta golli uzatma yozdirib qo‘yishdi.