Levandovski unga Joan Laporta nimalar deganini aytdi

"Barselona" hujumchisi Robert Levandovski "Real" bilan bo‘lgan o‘yindan (5:2) so‘ng klub prezidenti Joan Laporta bilan bo‘lgan suhbat haqida gapirdi.  

"U meni tabrikladi va birinchi bo‘limda yaxshi o‘ynaganimizni aytdi. Men bunga qo‘shilaman, biz ajoyib futbol ko‘rsatishga muvaffaq bo‘ldik. Ammo so‘nggi 30 daqiqada, biz kamchilikda qolganimizda, vaziyat qiyinlashdi. Biroq, agar siz 5:1 yoki 5:2 hisobida oldinda bo‘lsangiz, unda o‘yinni g‘alaba bilan yakunlashingiz kerak", — dedi polshalik hujumchi "Movistar" kanaliga.  

36 yoshli Levandovski joriy mavsumda "Barselona" safida barcha turnirlarda 27 ta o‘yinda maydonga tushib, 26 ta gol urdi va 3 ta golli uzatma amalga oshirdi.