"Komo" "Barselona" himoyachisini sotib oldi

Italiya A Seriyasida ishtirok etuvchi "Komo" klubi "Barselona" himoyachisi Aleks Valeni to‘liq sotib oldi. 21 yoshli futbolchi bilan 2029 yil yozigacha mo‘ljallangan uzoq muddatli shartnoma imzolandi. Transfer narxi 6 million evroga teng bo‘ldi.

Eslatib o‘tamiz, Aleks Vale 2024/25-yilgi mavsumning ikkinchi yarmida "Komo" safida ijara asosida harakat qilgan edi. U A Seriyada jamoa safida 15 ta uchrashuvda maydonga tushdi. Garchi u bu o‘yinlarda gol urmagan yoki golli uzatma bermagan bo‘lsa-da, himoyadagi barqaror o‘yini va ishonchli harakatlari murabbiylar shtabi tomonidan yuqori baholandi.

Valening "Komo"dagi o‘yini jamoaning mavsum oxirida A Seriyada qolishiga va kelajak uchun kuchli tarkib shakllantirishiga muhim hissa bo‘lib xizmat qildi. Klub rahbariyati uni uzoq muddatga saqlab qolish orqali himoya chizig‘ini mustahkamlashni ko‘zlagan.

Shuningdek, "Barselona" ushbu transferdan 6 million evro daromad olgan bo‘lsa-da, ba’zi manbalarga ko‘ra, kelajakda futbolchi boshqa klubga sotilsa, Kataloniya klubi undan ma’lum foiz ulushga ega bo‘ladi.