Joshuani ringga qulatgan Ruis Entonidan kam gonorar oldi

Asli kelib chiqishi meksikalik bo‘lgan amerikalik Ruis sensatsion tarzda WBA, IBF, IBO va WBO kamarlari sohibi bo‘lgan Entoni Joshuani bir necha bor nokdaun holatiga tushirib, yakunda raqibni 7-raundda texnik nokautga uchratish orqali g‘alaba qozongan edi.

The Sun nashri tarqatgan xabarga ko‘ra, mazkur muvaffaqiyatga qaramay, Ruis bor yo‘g‘i 5,6 mln evroni qo‘lga kiritgan. Shunga qaramay, ushbu gonorar 29 yoshli Ruisning profi boksda 10 yillik faoliyati davomidagi eng katta gonorari bo‘ldi.

Joshua esa ushbu jangdan 22,5 mln evro foyda ko‘rgan.