Italiyalik mashhur boks referisi Toshkentga kelmoqda!

Xabaringiz bor, 13 avgust kuni poytaxtimizlagi "Humo" arena saroyida 2022 yilning eng yorqin oqshomi bo‘lishi kutilayotgan professional boks kechasi bo‘lib o‘tadi.

Yaqindagina Butunjahon boks ittifoqi (WBC)ning rasman to‘laqonli a’zosiga aylangan O‘zbekiston professional boks federatsiyasi turnirga o‘z hissasini qo‘shish maqsadida italiyalik taniqli referi Guido Kavalerini yurtimizga taklif qildi.

Reja bo‘yicha, 11-12 avgust kunlari poytaxtimizdagi "Hilton" mehmonxonasida referilar uchun seminar tashkil etiladi. 13 avgust kuni esa hakamlar imtihondan o‘tishadi. Undan muvaffaqiyatli o‘tib olgan referilarga WBC tomonidan maxsus sertifikatlar topshiriladi. O‘zbekistondan jami 22 nafar referi ushbu seminarda qatnashadi.

Ma’lumot uchun, Guido Kavaleri referilik faoliyatini 1981 yilda havaskor boks janglarida hakamlik qilish bilan boshlagan. 1983 yildan professional janglarda ham parallel ravishda referilik qilgan. 1993 yildan esa faqat prof ring hakamligiga o‘tgan. 1998 yilda xalqaro EBU WBO, 1999 yilda esa xalqaro EBU WBC hakami darajasini olgan.

Havaskor boksda 1500, professional ringda esa 500 dan ziyod janglarda hakamlik qilgan. Milliy, xalqaro va jahon chempionatlari doirasida umumiy hisobda 350 ga yaqin chempionlik janglari referisi bo‘lgan.

2010-2014 yillar oralig‘ida Italiya boks federatsiyasi (Lombardiya) hakamlar qo‘mitasi rahbari lavozimida ishlagan. So‘nggi yillarda xalqaro toifadagi hakam va referilarni tayyorlash ishlariga mas’ul, ya’ni ularga turli darajadagi seminarlar o‘tkazib kelyapti.

Hozirda Swiss Boxing, European Boxing Union, World Boxing Council, Nyu-York shtati Atletik komissiyasi, Nyu-Jersi shtati Sport nazorat uyushmasi, Nevada shtati Atletik komissiyasi kabi nufuzli tashkilotlarning to‘laqonli a’zosi hisoblanadi.

Referilik faoliyatidagi eng muhim janglari:

Tayson Fyuri - Dillian Uayt

Terens Krouford - Amir Xan

Klaressa Shilds - Kristina Xammer

Adonis Stivenson - Aleksandr Gvozdik

Adonis Stivenson - Badu Jek

Floyd Meyvezer - Konor MakGregor

Marko Xuk - Mayris Briedis

Deyan Zlatikanin - Mayki Garsiya

Gennadiy Golovkin - Kell Bruk

Leo Santa-Krus - Karl Frempton

Terens Krouford - Viktor Postol

Deontey Uaylder - Artura Shpilka

Badu Jek - Jorj Grouvs

Floyd Meyvezer - Markos Maydana

Serxio Martines - Migel Kotto

Naoya Inoue - Adrian Ernandes

Jonni Gonsales - Elio Roxas

Jakobbe Fragomeni - Silvio Branko

Jan Paskal - Bernard Xopkins

Vitaliy Klichko - Shennon Briggs

Vitaliy Klichko - Kevin Jonson

Vitaliy Klichko - Kris Arreola

Menni Pakyao - Erik Morales

Oskar De La Xoyya - Rikardo Mayorga

Zab Juda - Karlos Baldomir

Toni Belyu - Isaak Chilemba

Vitaliy Klichko - Mahmud Charr

Vitaliy Klichko - Derek Chisora

O‘zbekiston professional boks federatsiyasi matbuot xizmati