Gvardiola: "Manchester Siti"da shuncha vaqt ishlab kelayotganimdan hayratdaman

"Manchester Siti" bosh murabbiyi Xosep Gvardiola "shaharliklar" boshqaruvida uzoq vaqt qolayotganidan hayratda ekanini tan oldi. Ispaniyalik mutaxassis 2016 yilning yozidan buyon "Siti"ni boshqarib kelmoqda.

U APL klubiga o‘tishdan oldin "Bavariya" hamda "Barselona" klublarini boshqargan va u erda mos ravishda uch va to‘rt yil ishlagan. Premer-liganing boshqa klublarida tez-tez murabbiy almashayotganidan hayron bo‘lasizmi, degan savolga Gvardiola quyidagicha javob berdi:

"Yo‘q, lekin men "Manchester Siti"da shuncha vaqt ishlaganimdan hayratdaman. Zamonaviy futboldagi to‘qqiz yil haqiqatan ham uzoq vaqt", - dedi Pep "Tottenxem"ga qarshi o‘yin oldidan o‘tkazilgan matbuot anjumanida. 

Eslatib o‘tamiz, Angliya liga kubogi 1/8 finalidan o‘rin olgan "Tottenxem" va "Manchester Siti" jamoalari uchrashuvi bugun Toshkent vaqti bilan soat 01:15 da boshlanadi.