Fyodor Emelyanenko faoliyatini tugatish haqida emas, chempionlikni o‘ylamoqda

“Pride”ning sobiq chempioni Fyodor Emelyanenko matbuot anjumanida “Bellator” chempionlik kamari uchun jang qilishni kutayotganligini aytdi.

 44 yoshli Emelyanenkoning “Bellator” bilan amaldagi shartnomasi yana ikkita jangni o‘z ichiga oladi.

 “Yana jang qilishim mumkinmi? Ko‘ramiz, albatta. Hozir qiyin payt. Hammasi mening sog‘lig‘imga bog‘liq bo‘ladi. Nasib qilsa, chempionlik unvoni uchun kurashmoqchiman “, - dedi Emelyanenko.

Ma’lumot uchun, Fyodor Emelyanenko so‘ngi jangini  “Bellator 237" turnirida Kuinton Jeksonga qarshi o‘tkazib, uni birinchi raunddayoq texnik nokaut bilan mag‘lub etgandi.