David de Xea o‘ziga yangi jamoa tanladi

“Manchester Yunayted” darvozaboni David de Xea mavsum yakunlanishi bilan Italiya chempionatiga ko‘chib o‘tishi mumkin, deb xabar bermoqda Mirror nashri.

Turin klubi tajribali darvozabonni 2023 yilning yozida, de Xea erkin agentga aylanganidan keyin uni o‘z safiga qo‘shib olmoqchi. Italiyaliklar ispan posboni bilan yanvar oyida muzokaraga kirishishi mumkin.

“Manchester Yunayted”da David bilan hamkorlikni yana bir mavsumga uzaytirish huquqi bor. Biroq, de Xea Angliya premer-ligasida eng katta maosh oladigan darvozabon hisoblanadi va bu manchesterliklarni o‘ylantirib turibdi.

Shuning uchun ham klub mutasaddilari hozirdan jamoaga yangi darvozabon qidirmoqda.