Anchelotti Chempionlar ligasida qaysi jamoa g‘olib chiqishini aytdi

“Real” bosh murabbiyi Karlo Anchelotti Evropa Chempionlar ligasining yangi mavsumida qaysi jamoalar bosh sovringa da’vogar ekani haqida o‘z fikrlari bilan o‘rtoqlashdi.

- Chempionlar ligasida qaysi jamoalar favorit? Mening fikrimcha, bular “Real”, “Barselona”, “Manchester Siti” va “Bavariya”, - dedi italiyalik murabbiy.

Tajribali mutaxassis “Real”ni 2021 yildan beri boshqarmoqda. Uning qo‘l ostida madridliklar Ispaniya chempionati, mamlakat kubogi va Superkubogi, UEFA Chempionlar ligasi va Superkubogi, shuningdek, klublar o‘rtasidagi jahon chempionatida g‘olib chiqdi.

Karlo Anchelottining “Qirollik klubi” bilan amaldagi shartnomasi joriy mavsum oxirida yakuniga etadi.