Bektemir Meliqo‘zievning navbatdagi jang sanasi ma’lum bo‘ldi

Profescional boksning super o‘rta vazn toifasida (76 kg) faoliyatini olib borayotgan hamyurtimiz Bektemir Meliqo‘ziev yaqindagina vatanimizga qaytgan edi. Manbalarning xabar berishicha, Meliqo‘ziev 10 dekabr kuni Amerika Qo‘shma Shtatlariga jo‘nab ketadi va o‘zining navbatdagi jangi uchun tayyorgarlikni boshlaydi.

Hozirda "WBO Intercontinental" va "WBA Continental Americas" kamarlari sohibi bo‘lib turgan Meliqo‘ziev navbatdagi jangini 6 fevral kuni o‘tkazishi kutilmoqda. Ushbu kechaning markaziy jangida super yarim o‘rta (69 kg) vazn toifasida WBO chempioni Patrik Teyshera  Brayan Karlos Kastanoga qarshi ringga ko‘tariladi.