“Barsa”da janjal: Yamal va Ansu Fati nega urishib qoldi?

“Barselona”ning eng iqtidorli tarbiyalanuvchilari Lamin Yamal va Ansu Fati klub afsonasi – Lionel Messidan qolgan 10-raqamni talashib urishib qoldi.

Bu raqam ko‘plab jamoalar kabi “Barselona”da ham muhim ahamiyat kasb etadi. Klubdan Lionel Messi ketganidan keyin o‘sha davrlarda endi porlab chiqqan Ansu Fatini argentinalik yulduzning vorisi bo‘lishiga ishonib, unga 10-raqam topshirilgan edi.

Ansu Fati ketma-ket og‘ir jarohat olganidan keyin endi asosiy tarkibga ham kira olmaydigan darajaga tushib qoldi. Lekin hamon 10-raqam 22 yoshli hujumkor futbolchiga tegishli bo‘lib turibdi.

“Barselona”ning bugungi kunda asosiy figurasiga aylanib borayotgan Lamin Yamal 10-raqamga o‘zi loyiq ekanini ta’kidlamoqda. 17 yoshli Lamin Fatidan 10-raqamni bo‘shatishni so‘radi. Lekin Ansu bunga ko‘nmadi.

Ma’lumotlarga qaraganda, Ansu Fati tez orada klubdan ketishi kutilmoqda. Agar bu ish amalga oshsa, Messidan qolgan raqam Lamin Yamalga o‘tadi.