“Barsa” asosiy darvozaboniga narx belgiladi va xaridor ham aniq

“Barselona” asosiy darvozaboni Mark-Andre ter Shtegenni yozgi transferlar mavsumida sotib yuborishga tayyorgarlik ko‘rmoqda.

Bunga Kataloniya klubida yuzaga kelgan moliyaviy inqiroz sabab bo‘lmoqda. "Barsa" dunyoning eng kuchli darvozabonlaridan biri bo‘lgan Ter Shtegenni 80 million evroga transfer qilishni mo‘ljallagan. Mahoratli golkiper yurtiga qaytib, “Bavariya” safiga qo‘shilishi aytilmoqda. Chunki myunxenliklar yoshi o‘tib qolayotgan Manuel Noyerga munosib o‘rinbosar qidirmoqda va anchadan beri ter Shtegenga xaridor bo‘lmoqda.

Germaniyalik darvozabon “Barselona”ga 2014 yili Myunxengladbaxning “Borussiya”sidan olib kelingan edi. Uning kataloniyaliklar bilan shartnomasi 2025 yilgacha amal qiladi.