"Atletiko" himoyachisi "Barselona" radarida

"Atletiko" chap qanot himoyachisi Reynildu Mandava "Barselona"ning radarida qolmoqda. Avvalroq mozambiklik futbolchi "Barselona"ga o‘tishi mumkinligi haqida xabarlar tarqalgan edi.

30 yoshli futbolchining "matraschilar" bilan shartnomasi mavsum oxirida tugaydi va kataloniyaliklar uni erkin agent sifatida o‘z safiga qo‘shib olish haqida o‘ylamoqda, deya xabar bermoqda "Mundo Deportivo". "Ko‘k-anorranglilar" vakillari vaziyatni diqqat bilan kuzatib borishmoqda.

Reynildu 2022 yil boshidan buyon Madrid klubida o‘ynamoqda. Ushbu mavsumda  himoyachi Diego Simeone jamoasida 18 ta o‘yinda qatnashdi.