"Atletiko" Felishning narxini e’lon qildi. "Barsa"ga bu summa ma’qul kelmadi

Madridning "Atletiko" klubi ayni damda "Barsa" safida ijara asosida to‘p tepayotgan Joau Felishning narxini ma’lum qildi. 

Unga ko‘ra, "matraschilar" portugaliyalik vinger uchun Kataloniya klubidan 70 million evro so‘rayapti. "Ko‘k-anorranglilar" esa mazkur summani to‘lashga qodir emas. Shu sababdan "Barsa" rahbariyati uni yana bir mavsumga ijaraga olmoqchi. 

Joau joriy mavsum "Barsa" safida jami 30 ta o‘yinda maydonga tushib, 8 ta gol va 5 ta assist muallifiga aylandi.