Aleksandr Zinchenko: "Angliyada bo‘lsam, oilamga ko‘proq foyda bo‘lmoqda"

Londonning "Arsenal" klubi futbolchisi Aleksandr Zinchenko Ukrainadagi vaziyat haqida gapirdi.

"Men bu er ya’ni Angliyada Ukrainada bo‘lganimdan ko‘ra ko‘proq foyda keltiryapman deb o‘ylayman. Oilam, farzandlarim va umuman barcha yaqinlarim uchun APLda to‘p tepib, ularning sha’ni va qadr-qimmati uchun kurashmoqdaman", - dedi futbolchi.

Eslatib o‘tamiz, himoyachi "Shaxtyor" jamoasi tarbiyalanuvchisi hisoblanadi. Professional faoliyatini Rossiyaning "Ufa" klubida boshlagan. 2016 yilda esa, Zinchenko "Manchester Siti" safiga ko‘chib o‘tgan va "shaharliklar" bilan birgalikda to‘rt marta Angliya chempioniga aylangan. 2022 yildan beri esa, "Arsenal" safida to‘p tepmoqda.