Abbosbek Fayzullaevga Turkiyadan qiziqish bor. U faoliyatini "Fenerbaxche"da davom ettirishi mumkin!
Turkiyaning "Fenerbaxche" jamoasi O‘zbekiston U-20 termasi bilan Osiyo chempionligini qo‘lga kiritgan, hozirda Moskvaning TsSKA jamoasida to‘p tepayotgan Abbosbek Fayzullaevga qiziqish bildirmoqda. Bu haqda Turkiyaning "Sporx.com" nashri xabar berdi.
Manbaga ko‘ra, klub bosh murabbiyi Ismoil Kartalning shaxsan o‘zi iste’dodli futbolchimizni jamoasida ko‘rishni istayapti. Moliyaviy ma’lumotlar hozircha oshkor etilmagan.
Eslatib o‘tamiz, Abbosbek joriy mavsum TsSKA safida RPLning 6 o‘yinida bittadan gol va assistni o‘z nomiga yozdirib qo‘ydi.
Fikrlar