Vidalning endi aqli kirdi

"Barselona" klubi yarim himoyachisi Arturo Vidal o‘zining Kataloniya super klubi safidagi holatidan norozi ekanligi borasida tarqalgan xabarlarga munosabat bildirib o‘tdi.

“Men bu erda baxtliman. Nima xohlasam shuni qiladigan ajoyib paytlar albatta keladi, bunga ishonaman”, - deydi 31 yoshli chililik futbolchi.

Eslatib o‘tamiz, bundan avvalroq Vidal “Barselona”da etarli o‘yin amaliyotiga ega bo‘la olmayotganidan noroziligi haqida ochiqchasiga gapirgan edi. Ta’kidlash kerakki, u joriy mavsum “ko‘k-anor ranglilar” safida jami 9ta o‘yida maydonga tushdi, biroq ularning hech birida to‘liq o‘ynamadi.