Sharofiddin Abu-Dabida bronza oldi

Sharofiddin Lutfullaev "Katta dubulg‘a Abu-Dabi" turnirining bronza medali sohibiga aylandi. Yosh sportchimiz ushbu nufuzli turnirda sakkizinchi bor ishtirok etmoqda. Sharofiddin bronza medaligacha bo‘lgan saralash bahslarida ozarbayjonlik Sirinli Vugar va ispaniyalik Garrigos Frantsiskonilardan ustun kelib, yarim finalda rossiyalik Mishvibadze Robertga imkoniyatni boy berdi.

Sharofiddin Lutfullaev bronza medali uchun bahsda qozog‘istonlik Qirg‘izbaev Gusmanni ippon bahosi bilan mag‘lub etib, toza g‘alabani qo‘lga kiritdi.

Sharofiddin Lutfullaevga keyingi musobaqalarida omad va zafarlar tilab qolamiz.