Rafinya vataniga qaytishi mumkin

Myunxenning "Bavariya" klubi himoyachisi Rafinya jamoani tark etishi mumkin. Bu haqda Bild nashri xabar bermoqda.

Unga ko‘ra 33 yoshli braziliyalik futbolchiga "Flamengo" jiddiy qiziqish bildirmoqda. Braziliya klubi rahbariyati allaqachon futbolchi bilan aloqaga chiqqan va u bilan shartnoma bandlari borasida suhbatlashgan. Rafinya mavsum yakunlangach "Bavariya"dan ketmoqchi.

Ma’lumot uchun, "Bavariya" Rafinyani 2011 yil "Jenoa"dan 5,5 million evro evaziga sotib olgan edi. U o‘tgan davr mobaynida myunxenliklar safida jami 225ta o‘yinda ishtirok etdi.