"Paxtakor" "Eyr Fors"ga qarshi "Jar"da tayyorlanmoqda

Xabaringiz bor "Paxtakor" 12 fevral kuni Osiyo Chempionlar ligasi pley-off bosqichi doirasida Iroqning "Eyr Fors" klubiga qarshi o‘tadigan uchrashuvga hozirlikni davom ettirmoqda.

Klub matbuot xizmatining xabar berishicha mashg‘ulotlar "Jar" stadionida o‘tkazilmoqda. Futbolchilar murabbiylar shtabi tomonidan berilgan ko‘rsatmalarni bajargan holda o‘yinga yaxshi holatda etib borish va jamoa oldiga qo‘yilgan maqsadni bajarish uchun bor kuchlari bilan intilishmoqda. Tarkibda jarohatlangan futbolchilar yo‘q. Barcha o‘yinchilar yuqori kayfiyatda bo‘lajak bahsga tayyorgarlik ko‘rishmoqda.