Modrich soliq to‘lamaganlikda ayblanmoqda

“Real” yarim himoyachisi Luka Modrich soliq bilan bo‘lgan ishlarda firibgarlikka qo‘l urganlikda ayblanmoqda, deya xabar beradi Marca nashri.

Gap 2012 yilda to‘lanmagan soliqlar haqida ketmoqda. Futbolchi Buyuk Britaniyada “Tottenxem” safida o‘ynab yurgan vaqtlarda to‘lagan, ammo Ispaniyada esa yo‘q.

Soliq agentligi o‘sha to‘rt oy (sentyabr, oktyabr, noyabr va dekabr) uchun 1,2 million evro miqdorida soliq to‘lashni talab qilmoqda. O‘shanda Modrich “Real” safiga kelib qo‘shilgan.

Modrich esa bu ayblovdan norozi va uni apellyatsiyaga bergan. U Madrid klubi safida Ispaniya chempioni va 4 marta EChL g‘olibiga aylandi.