Klopp: Saloh qaytdi!

"Liverpul" klubi bosh murabbiyi Yurgen Klopp jamoaning EChL guruh bosqichi doirasida "Tsrvena Zvezda" ustidan qozonilgan (4:0) g‘alabada Muhammad Salohning o‘rni haqida o‘z fikrini bildirdi.

Aytib o‘tish joizki, Saloh uchrashuvda dubl qayd etishga muvaffaq bo‘ldi.

- Endi odamlar Muhammadni tushkunlikka tushgani haqida gapirishmaydi. Salohning qobiliyatiga shubham yo‘q, biroq OAVning harakatlari tufayli bunday hayollar meni o‘ylantirib qo‘yardi.

Bunday savollarga e’tibor qaratmasligimiz lozim, mashg‘ulotlarda o‘z kuchini 100% berib mehnat qilish darkor.

Umid qilamanki, Saloh xuddi shunday ruhda davom etadi, - dedi Klopp.