"Gerta" himoyachisi "Bavariya"ning e’tiborini tortmoqda

Berlinning "Gerta" klubi himoyachisi Niklas Shtark faoliyatini Bundesliganing boshqa bir klubida davom ettirishi mumkin.

Ma’lumotlarga qaraganda 23 yoshli futbolchiga "Bavariya"dan qiziqishlar paydo bo‘la boshlagan. Myunxenliklar Shtarkni “Atletiko”dan sotib olishga urunayotgan himoyachi Lukas Ernandesga muqobil sifatida qarashmoqda.

Eslatib o‘tamiz, Shtark joriy mavsum “Gerta” safida jami 23ta o‘yinda ishtirok etdi. Uning berlinliklar bilan amaldagi shartnomasi 2022 yilga qadar imzolangan.