"Biz sport bilan hamnafas" musobaqalari o‘tkazildi

Poytaxtimizda O‘zbekiston stol tennisi federatsiyasi va Uch tepa tumani 1-sonli bolalar va o‘smirlar sport maktabi tomondan "Biz sport bilan hamnafas" shiori ostida sport tadbiri o‘tkazildi.

Mazkur tadbirdan ko‘zlangan asosiy maqsad – navqiron avlodning yozgi ta’til kunlarida bosh vaqtlarini unumli o‘tkazish, ularning sport bilan muntazam shug‘ullanishlarini ta’minlash va ular o‘rtasidan iste’dodli sportchilarni saralab kelgusida mahoratli sportchilar etib kamol toptirishdir.

Tadbirda Uch tepa tumanidagi mahallalarda iste’qomad qiluvchi yoshlar sportning stol tennisi, futbol, shaxmat va shashka turlari bo‘yicha o‘zaro raqobatlashdi.

Musobaqa g‘olib va sovrindorlari tashkilotchilar tomonidan kubok, medal va esdalik sovg‘alari bilan taqdirlandi.