Aguero sevimli jamoasiga qarshi yoxud bugun "Manchester Siti" "Nyukasl"ni qabul qiladi

Avval xabar berganimizdek bugun Angliya premer-ligasining 4-turiga start beriladi. Tur doirasida amaldagi chempion "Manchester Siti" o‘z maydonida mavsumni juda yomon boshlagan "Nyukasl"ni qabul qiladi.

Ushbu jamoalar o‘rtasidagi o‘yinlarga oid qiziqarli faktlar:

- "Manchester Siti" so‘nggi 20ta o‘yindan buyon "Nyukasl"ga mag‘lub bo‘lmay kelmoqda. Shundan kelib chiqib aytish mumkinki "shaharliklar" "qarg‘alar" uchun APLdagi eng noqulay raqib hisoblanadi.

- "Nyukasl" so‘nggi 10ta o‘yindan buyon "Etixad"da ochko ololmayapti.

- "Manchester Siti" Gvardiola boshqaruvi davrida sentyabr oyidagi barcha uchrashuvlarda g‘alaba qozonib kelmoqda. 

- "Nyukasl" "shaharliklar" forvardi Serxio Agueroning "sevimli" jamoasi hisoblanadi. Boisi, argentinalik forvard ushbu jamoaga qarshi o‘tkazilgan so‘nggi 14ta o‘yinda o‘z hisobiga 11ta gol yozdirib qo‘yishga erishgan.

- "Nyukasl" APLga asos solingandan buyon "Etixad"da faqat bir marta g‘alaba qozongan.

"Manchester Siti" – "Nyukasl"

Stadion: "Etixad"

Boshlanish vaqti: 21:30

Bosh hakam: Kevin Frend (Angliya)

"Manchester Siti": Ederson – Stounz, Lyaport, Kompani – Mendi, Fernandino, Gyundogan, D. Silva, B. Silva – Aguero, Jezus.

"Nyukasl": Dubravka – Fernandes, Sher, Klark – Yedlin, Ki, Diame, Dammett – Peres, Merfi, Rondon.