Boks bo‘yicha Olimpiada kvalifikatsion turnirlarining taxminiy sanalari ma’lum bo‘ldi

Boks bo‘yicha Olimpiada kvalifikatsion turnirlarining taxminiy sanalari e’lon qilindi. Unga ko‘ra, Evropa kvalifikatsion turniri 2021 yilning aprel va may oylarida London shahrida to‘xtab qolgan joyidan davom ettirilsa, Pan Amerika turnirlari may oyida va yakuniy jahon kvalifikatsion turniri iyunda bo‘lib o‘tishi rejalashtirilgan.

Eslatib o‘tamiz, mart oyida Iordaniyada bo‘lib o‘tgan Osiyo-Okeaniya saralash turnirida O‘zbekiston terma jamoasi vakillari ham ishtirok etib, 8 vazn toifasidan 6 tasida (52kg, 57kg, 63kg, 69kg, 91kg, +91kg) litsenziyani qo‘lga kiritgan edi.