"Yuventus"ga Obameyang kerak emas. Turinliklar boshqa hujumchini ko‘zlashmoqda

"Yuventus" klubi "Arsenal" forvardi Per-Emerik Obameyang bilan ortiq qiziqmaydi. Bu haqda Bleacher Report nashri xabar tarqatmoqda.

Yuqoridagi manbaga ko‘ra, turinliklar bu borada "Napoli"  hujumchisi Arkadiush Milik nomzodiga to‘xtalishgan. "Yuventus" allaqachon ushbu transfer bo‘yicha muzokaralarni boshlab yuborgan.

Obameyang joriy mavsum “Arsenal” safida 35 ta o‘yinda maydonga tushdi va 20 ta gol urishga erishdi. Unga “Inter” asosiy da’vogar hisoblanadi.