"Ювентус" "Реал" ҳимоячисини ўз сафига қўшиб олмоқчи

Мадриднинг "Реал" клуби қанот ҳимоячиси Фран Гарсия Испания чемпионатидан Италия А Сериясига ўтиши мумкин. Бу ҳақда Todofichajes нашри хабар берди.

Манбага кўра, футболчини ўз сафида "Ювентус" кўришни хоҳламоқда. Туринликлар 25 ёшли ҳимоячини сотиб олиш ҳуқуқи билан ижарага олиш ёки 20–25 миллион еврога тўлиқ трансфер қилиш вариантларини кўриб чиқмоқда.

Ўтган мавсумда Испания Ла Лигасида Гарсия 31 та ўйинда иштирок этиб, 2 та голли узатма амалга оширди. "Қироллик клуби" билан унинг шартномаси 2027 йил июнь охиригача тузилган, ҳозирги трансфер нархи эса 18 миллион еврога баҳоланмоқда.