"Yuventus" Pulishichni o‘z safiga qo‘shib olmoqchi

"Chelsi" hujumkor yarim himoyachi Kristian Pulishich yozgi transfer oynasida "Yuventus"ga o‘tishi mumkin. "Goal" nashrining xabar berishicha, Turin klubi sport direktori Jovanni Manna seshanba kuni Londonda Pulishich transferi masalasida "Chelsi" vakillari bilan uchrashuv o‘tkazgan. Uchrashuv tavsilotlari halicha noma’lum. 

Kristian Pulishich hozirda 24 yoshda. 2022/2023 yilgi mavsumda amerikalik futbolchi "arsitokratlar" tarkibida 30 ta o‘yin o‘tkazib, bitta gol va ikkita golli uzatmani amalga oshirdi. "Transfermarkt" portali Pulishichni 32 million evroga baholamoqda."