"Ювентус" Кьеза трансфери учун 70 миллион евро сарфлашга тайёр

Италиянинг "Фиорентина" клуби ярим ҳимоячиси Федерико Кьеза ёзда клубини тарк этиши мумкин, дея хабар беради La Gazzetta dello Sport нашри.

21 ёшли италиялик футболчи учун "Ювентус" клуби жиддий қизиқиб қолди. Шунингдек, "Интер" ҳам футболчи трансферига кўз тиккан. Айни вақтда "Фиорентина" Кьезани 70 миллион еврога сотиб юбориши мумкин.

"Ювентус" Кьезани таклиф этадиган бўлса, Пауло Дибаланинг тарк этиши ойдинлашади. Шунингдек, унинг хизматига "Тоттенэм" томонидан ҳам қизиқиш борлиги маълум қилинди.