"Ювентус" Икардига қанча маош ваъда қилмоқда?

Туриннинг "Ювентус" клуби ёзда "Интер" ҳужумчиси Мауро Икардини сотиб олмоқчи.

Италия матбуотининг ёзишича агар 26 ёшли аргентиналик футболчи "Альянц Стэдиум"га кўчиб ўтса, у йилига 8,5 миллион евро маош олиши мумкин. “Кекса синьора” унга 2024 йилга қадар тузилган шартнома таклиф қилмоқда.

Таъкидлаш керакки, Икардининг “нерадзуррилар” билан амалдаги шартномаси 2021 йилга қадар имзоланган. Унинг ҳозирги йиллик маоши 5,5 млн еврони ташкил этади.

Эслатиб ўтамиз, Икардига шунингдек "Реал", "Атлетико", ПСЖ, "Наполи" ва бир қатор АПЛ грандлари ҳам қизиқиш билдиришмоқда.