Yurgen Kloppni haqorat qilgan hakam ishdan bo‘shatildi

Angliyalik arbitr Devid Kutni hakamlikdan chetlatishdi, u endi Premer-liga o‘yinlarida ishlamaydi. Bularning barchasi bir yil avval, noyabrda, ijtimoiy tarmoqlarda Kut "Liverpul" sobiq murabbiyi Yurgen Kloppni haqorat qilgan videosi tarqalganidan boshlangan edi.

Bundan tashqari Devid 2019 yilda "Lids" va "Vest Bromvich" o‘rtasidagi o‘yinda nohaq sariq kartochkalar ko‘rsatgani va bu ishni qimor orqali pul topish uchun qilgani ma’lum bo‘ldi. Yana uning tarmoqlarda narkotik modda qabul qilgan videosi tarqalib ketgan.

Natijada tergov o‘tkazildi, va hozirda Kut ishini yo‘qotdi. Biroq, u apellyatsiya huquqiga ega, deb xabar bermoqda derbyderbyderby.it.