Yamal terma jamoadagi "Barselona", "Real" va "Atletiko" futbolchilarining munosabatlari haqida gapirdi

"Barselona" hujumchisi Lamin Yamal milliy terma jamoada boshqa ispan grandlari vakillari bilan munosabatlari haqida fikr bildirdi.

Amaldagi Evropa chempionlari sentyabr oyidagi yig‘inni taassurotli tarzda o‘tkazib, safarda Bolgariya (3:0) va Turkiya (6:0) terma jamoalari ustidan ishonchli g‘alaba qozonishdi.

- Terma jamoada "Barselona", "Real Madrid" va "Atletiko" futbolchilari bor, biroq hamma bir-biri bilan juda yaxshi munosabatda bo‘ladigan darajaga etganimizni ko‘ryapman. Biz do‘stmiz, o‘yinlar orasidagi tanaffuslarda birga vaqt o‘tkazamiz. Bu bizga yanada yaxshiroq o‘ynashimizga va futboldan ko‘proq zavq olishimizga yordam beradi, - dedi Yamal.

18 yoshli iste’dod egasi Ispaniya terma jamoasi safida o‘tkazgan 23 ta o‘yinda 6 ta gol urib, 12 ta golli uzatma bergan.