"Хоразм" — "Насаф" Жиззахда ўтказилади

Суперлига 8-туридан ўрин олган "Хоразм" — "Насаф" ўйини 2 май куни Жиззах шаҳрида бўлиб ўтади. Бу ҳақда ЎзПФЛ хабар берди.

"Хоразм" клубининг уй стадиони мавсумга тайёр бўлмаганлигидан келиб чиқиб, "Хоразм" рақибини Жиззахдаги "Сўғдиёна" стадионида қабул қилиш бўйича келишувга эришган. Клубларнинг У21 жамоалари иштирокидаги беллашув эса Хоразмда ўтказилади", - дейилади хабарда. 

Эслатиб ўтамиз, "Хоразм" — "Насаф" ўйини 2 май куни соат 18:15да старт олади.